Интересен спој на состојки …
Потребно е:
за филот:
300 гр пилешки копан и надкопан
1 л пилешка супа
2 листови ловор
100 гр крем сирење
150 гр козјо сирење
1 јајце
150 гр буковка печурка
за преливот:
1 лажица путер
1 лажица маслиново масло
1 помала главица кромид
3 чешниња лук
500 мл павлака за готвење
75 гр пармезан
250 гр канелони
Подготовка:
– Во 1 л вода во која сте ги ставиле ловоровите листови сварете го пилешкото месо. Свареното месо исецкајте го на мали парчиња, а пилешката супа зачинете ја со сол и зачини по желба.
– На малку маслиново масло испржете ја исецканата буковка.
– Сецканото пилешко месо помешајте го со крем сирењето и козјото сирење, сол, бибер, пропржената буковка и јајцето. Убаво измешајте.
– За сосот на маслиново масло растопете го путерот и додадете ги сецканите кромид и лук и кратко пропржете ги.
– Потоа додадете ја павлаката за готвење и динстајте уште 10-тина минути.
– Канелоните наполнете ги со смеата од пилешко и буковка и наредете ги во намастена керамичка или огноотпорна тава. Прелијте ги со подготвениот сос и на крај посипете со рендан пармезан.
– Ставете да се печат во загреана рерна на 200 целзиусови степени околу 40 минути.