Македонската претставничка на изборот на песна на Евровизија, Јана Бурческа на втората полуфинална вечер добила 69 поени, со што била на 15. позиција.
„Dance Alone“ во полуфиналето добила 40 поени од телевоутингот и уште 29 од стручните жирија.
Од телевоутингот Македонија добила 12 поени само од Бугарија, додека добила 10 поени од Србија, 6 од Хрватска, 5 од Израел, 4 од Сан Марино и 3 од Швајцарија. Стручните жирија од Малта и Франција ни дале по 8 поени, од Србија 5, Украина и Норвешка по 3 и Унгарија 2 поени, но бугарското жири ниту еден поен. Вкупно поени за македонската претставничка најмногу, односно 15 стигнале од Србија, 10 од телевотинг и 5 од нивната жири комисија.
Со овој резултат македонската претставничка заостана со 32 поени зад десетто пласираната Данска, односно последната позиција која што обезбедуваше пласман во финалето.