Подгответе го овој вкусен колач со јагоди затоа што баш сега е нивното време …
Потребно е:
6 жолчки
6 лажици шеќер
6 лажици млеко
6 лажици масло
6 лажици брашно
1 прашок за пециво
3 лажици какао во прав
за филот:
750 гр млеко
250 гр шеќер
3 пудинга од јагода
6 белки
9 лажици шеќер
1 кесичка ванилин шеќер
околу 600 гр јагоди
2 шлаг креми од јагода
Подготовка:
– Изматете ги жолчките со шеќерот, млекото, маслото, какаото, брашното и прашокот за пециво. Оваа смеса сипете ја во тава обложена со хартија за печење и ставете да се пече во претходно загреана рерна на 180 целзиусови степени.
– Проверете дали е печен колачот со чепкалака за заби. Кога ќе го боцнете колачот во рерна со чепкалката, ако ја извадите сува од колачот тоа значи дека колачот е печен и ивадете ја тавата од рерна.
– Од млекото, шеќерот и пудинзите од јагода подгответе пудинг.
– Во едне сад со миксер изматете ги белките со 8 лажици шеќер и 1 кесичка ванилин шеќер во цврсто шне.
– Шнето додадете го во врелиот пудинг и изматете го убаво со електричен миксер за да ги соедините состојките. Оставете да се излади.
– Јагодите исецкајте ги ситно и додадете ги во горната изладена смеса. Вака подготвениот фил прелијте го преку кората и распоредете го подеднакво.
– Изматете две шлаг креми од јагода и нанесете ги најодозгора на колачот.
– Украсете по желба.