Италија ќе гради вештачки остров во вредност од една милијарда евра крај јадранското крајбрежје, пишува денеска весникот „Дејли телеграф“.
Вештачкиот остров ќе биде со дијаметар од еден километар и на него ќе се наоѓаат хотели, вили, продавници, паркови и пристаниште за крузери, кои ја поврзуваат Хрватска, Црна Гора и Грција со Венеција.
Островот ќе биде на три морски милји од италијанскиот град Ричоне и ќе има постојано население од 3.000 лица.
Проектот е на експерти од Универзитетот на Ферара. Компании од Саудиска Арабија, Велика Британија и Холандија веќе пројавиле интерес да инвестираат во изградбата на островот.