Непрофитабилната организација „European Consumers Choice“, како резултат на гласањето на туристичките работници и туристи, го прогласи Истанбул за најдобра европска дестинација за 2013 година.
Споменатата организација, со седиште во Брисел, истражувањето за најпосакуваната дестинација за Европејците го спроведе во последните три недели.
Истанбул е прогласен за најпосакувана дестинација, а веднаш зад него се најдоа Лисабон, Виена, Барселона, Амстердам, Мадрид, Валета, Ница, Милано и Стокхолм.
Во соопштението на организацијата „European Consumers Choice“ се наведува дека Истанбул е единствениот град сместен на два континента, како и тоа дека е тоа град каде се сретнуваат Истокот и Западот.
Истанбул стана познат по своите палати и по местата кои човека го чинат спокоен, се наведува понатаму во соопштението.
Од организацијата ја препорачуваат посетата на Истанбул во 2013 година кога ќе се отвори и културниот центар „Ататурк“ во Таксим и железничкиот проект сличен на Евротунелот.
„European Consumers Choice“ за најпосакувана дестинација во 2010 година го прогласи Лисабон, а во 2011 и 2012 година тоа беа Копенхаген и Порто.