Летниот ноќен клуб „Сектор 909“ по две години пауза, в среда, на 21 јуни, повторно ќе ги отвори вратите за својата публика, што е трето летно отворање на клубот, кој се наоѓа на старата локација под скопското Кале.
Согласно традицијата, оваа ноќна забава ќе има хуманитарен карактер, како и претходните отворања. Имено, собраните средства од хуманитарната забава ќе бидат наменети за скопската Зоолошка градина.
Во 2012 година клубот на Зоолошката и го донираше пони коњчето Флекица, дресирано пред се, за помош на деца со аутизам, но кое исто така можат да го јаваат и сите деца што ќе посакаат. Веќе следната година клубот успеа да собере средства за комплетна опрема за ваков вид деттска рекреација.
На хуманитарната забава в среда ќе настапат македонските артисти Гоце САФ, Соња Исмаил, Дарко Марковски и групата „Кантон 6“. Влезот чини 150 денари.
Во четврток ќе се одржи забава со Ди-Џеј Чваре и Нонадаз. В петок ќе настапат Маци и Узун Баба, а веќе во сабота ќе настапи и првиот гостин од странство за оваа летна сезона, Такаси Накаџима од Јапонија.