Американската сојузна држава Флорида планира изградба на огромен хотел во облик на гитара, како дел од Семинол Хард Рок Хотел казиното…
Новиот хотел, кој ќе биде висок 140 метри, ќе има 638 соби, базени и огромен спа комплекс, појаснува Џејмс Ф. Ален – извршен директор на Семинол Гејминг и претседател на Хард Рок Интернешнл.
– Архитектонскиот дизајн е сам по себе огромна атракција. Тука нема претерувања, оти ова е досега невидено во цел свет, додава тој.
Отворањето на хотелот е закажано за 2019 година, а изградбата ќе чини 1,5 милијарди долари.