Брза и превкусна …
Потребно е:
500 гр кори за пита
400 гр сирење
400 гр кисела павлака
3 јајца
сол
Подготовка:
– Тавата за печење премачкајте ја со малку растопен маргарин и ставете две кори, но не да бидат згужвани.
– Останатите кори згужвајте ги како хармоника и редете ги една покрај друга. Прелијте ги со растопен маргарин и ставете ги да се печат во загреана рерна на 200 целзиусови степени само 10-тина минути, додека не добијат малку боја.
– Во еден сад издробете го сирењето и додадете ги јајцата, киселата павлака, посолете по вкус (во зависност од соленоста на сирењето) и измешајте убаво.
– Распоредете ја горната смеса над запечените кори и допечете ja питата на 180 степени уште околу 25 минути.
– Печената пита оставете ја малку да се излади, исечете ја на парчиња и послужете ја со кисело млеко во прилог.