Еден од тројцата основачи на Apple, Рон Вејн, со продавањето на својот дел за само 800 долари, пропушти шанса неколку години подоцна со нив да заработи 35 милијарди долари.
Вејн, сега има 79 години, во време на основањето на компанијата играл улога на некој вид супервизор во однос на, тогаш, младите креативци, 21-годишниот Џобс и 25-годишниот Вознијак.
Тој го дизајнирал првото лого на Apple, го составил првобитниот договор за партнерство меѓу трите основачи на компанијата и го напишал упатството за употреба на првиот компјутер на компанијата.
Само две недели подоцна, Вејн го продал својот дел од 10 проценти во компанијата за само 800 долари. Да го задржел, тој сега би имал вредност од 35 милијарди долари.
„Да останев во „Apple“ и да ги прифатев ограничувањата пред мојата животна филозофија, можев еден ден да бидам најбогатиот мртовец на гробиштата. Тогаш бев во четириесетите години, а овие деца беа како ураган. Беше тоа како да држите тигар за опашка“, наведува Рон Вејн.