Фантастична гибаница со малку состојки и без прашок за пециво …
Потребно е:
1 пакување кори за пита
150 гр путер
околу 50 мл маслиново масло
300 гр сирење
6 јајца
300 мл врела вода
Подготовка:
– Растопете ги заедно путерот и маслиновото масло.
– Издробете го сирењето.
– Секоја кора убаво испрскајте ја со растопената маснотија и редете ги во намастена тава. На секоја петта кора распоредете од дробеното сирење. Постапката повторете ја додека да ги потрошите сите состојки.
– На крај прелијте ја убаво со преостанатата маснотија и исечете ја на парчиња.
– Изматете ги јајцата со вилушка. Додека матите постепено сипете ја врелата вода. Брзо мешајте за да јајцата не бидат како сварени. Со оваа смеса прелијте ја гибаницата и оставете 15 минути да се упие течноста.
– Ставете да се пече во загреана рерна на 180 целзиусови степени 25-30 минути или додека да добие убава златно-кафена боја.