Антонио Гауди е познат по ненадминатите архитектонски решенија што свој лик добиле во некои од најпрепознатливите градби на Барселона.
Сите знаат за Паркот Гуељ и Саграда Фамилија, но малку познато е дека тој проектирал и приватни куќи, меѓу кои е првата Каса Виценс.
Домот на брокерот Манел Виценс, што бил изграден меѓу 1883 и 1885 годин, наскоро ќе стане музеј посветен токму на овој славен архитект.
Банката на Андора „МораБанк“ имотот го купила во 2014 година и од тогаш до денеска трае реновирањето на објектот што го надгледуваат неколкумина искусни архитекти.
Каса Виценс, што е впишана во Листата на светското културно наследство на УНЕСКО, за неколку месеци ќе се отвори за туристите.
