Порталот „Трипадвисор“ изврши годишно истражување за најевтините градови за одмор, во кое се опфатени 48 туристички одморалишта.
Резултатите покажуваат дека најевтини се локациите во Азија, додека градовите во Европа се уште се на врвот на листата, според високите цени.
За да утврдат која локација е најевтина, тие ги зеле во предвид сите околности.
Коктел пијалок за две лица во хотел со пет ѕвезди, возење со такси од и до аеродром, храна и други трошоци. Според нивното истражување Канкун во Мексико има најдобра цена за пијалак.
Две мартини чинат 2.50 евра, додека истиот пијалак во Париз е 15 пати поскап.
Кога се работи за храната, во Ханој, главниот град на Виетнам, вечера за две лица изнесува околу 25 евра, додека во Стокхолм истото би чинило 130 евра.
-Резултатите од оваа година покажуваат дека азиските дестинации во споредба со европските се уште се најевтини. Меѓутоа источно европските држави како Бугарија и Чешка изгледа дека успеаа да се изборат за своето место, така што можат да понудат ефтин одмор- вели портпаролот на „Трипадвисор“, Џејмс Кеј.
Покрај Ханој, најевтини места според овој портал се и Џкарта, Шарм ел Шеик, Софија, Кејптаун, Мумбај, Куала Лумпур, Прага и Будимпешта.
Е. Г.