Со фотосесија за кампањата за новиот имиџ на Моден Викенд Скопје – сезона есен/зима 13/14, FWSK тимот го одбележа започнувањето на претстојното издание кое ќе се одржи од 22. до 30. октомври.
Имиџот на оваа сезона го презентираме, за нас прв пат, со панк двојка, Симона Ангеловска и Дарко Бошковски, кои се нови лица на македонскиот моден подиум и на модната агенција Подиум.
Панк гранџ стилот се враќа на светските модни писти и на насловните страници на најпрестижните светски модни списанија, а кај нас Моден Викенд Скопје ќе ја разбуди современата панк принцеза и урбаниот бунтовник.
Годинава нашата панк гранџ приказна ја создадоа: Ани и Дими (фотографија), Горан Сиџимовски (стајлинг), официјалниот мејкап и бјути партнер Cosmo во соработка со Зоран Шурбевски (шминка), брендот Rolland во соработка со фризерско студио Бубе Студио Ин (фризура), чевли Dr.Martеns (Arthur‘s продавници), Светлана Богова Јовановска (продуцент), Ирина Илиевска (кастинг директор) и Виктор Цветановски (кастинг асистент).