Плескавици со богат вкус, вкусни и неодоливи …
Потребно е:
1/4 чаша ситно сецкана црвена пиперка
1/4 чаша ситно сецкана жолта пиперка
1/4 чаша ситно сецкан млад кромид
2 чешниња лук, ситно сецкани
сол, бибер
2 лажици маслиново масло
3 чаши сварено и ситно сецкано пилешко бело месо
2 јајца
1/3 чаша мајонез
1 лажица сок од лимон
1 лажица сенф
1 лажица сецкан свеж магдонос
1 лажиче естрагон
2 чаши лебни трошки
Подготовка:
– Во тава на рингла сипете го маслото, додадете ги сецканите пиперки, кромидот, сол, бибер и динстајте додека да омекнат. На крај додадете го и лукот и динстајте уште 1 минута.
– Пилешкото месо ситно исецкајте го и ставете го во еден подлабок сад. Додадете го зеленчукот, сите останати состојки и 1 чаша лебни трошки. Додадете зачини по потреба.
– Остатокот од лебните трошки ставете ги во една чинија.
– Од горната смеса обликувајте плескавици и увалкајте ги во лебните трошки. Подготвените плескавици ставете ги во фрижидер да стојат околу 30 минути и потоа испржете ги во добро загреана тава на малку масло по 3-4 минути од секоја страна.