Американската компанија Епл на конференција во септември ќе го претстави новиот АјФон 6Ц, заедно со АјФон 6С и 6С Плус.
Информации за АјФон 6Ц нема многу откако компанијата објави фотографија од мистериозен пластичен уред во мај, што тогаш беше означено како сосема случајно.
Според Твитер типстерот Еван Блас, пластичниот АјФон ќе биде претставен на Епл конференција закажана за 9 септември.
Претходно се појавија информации дека АјФон 6С ќе има ФорсТач екран, што ќе се користи за пристап до брзо мени и контролирање на прикажувањето на содржините на екранот.
Епл на конференцијата во септември се очекува да претстави и новитети кои се однесуваат на Епл ТВ сет-топ бокс.