Со овој крем од лимон може да обогатите различни пити, колачи и торти или едноставно намачкајте го на леб како џем …
Потребно е:
4 жолчки од јајце
2 цели јајца
200 гр шеќер
1 прстофат сол
1,5 лажица изрендана кора од лимон
180 мл сок од лимон (свежо исцеден)
150 гр путер, солен
Подготовка:
– Жолчките, јајцата, шеќерот и прстофат сол ставете ги во едно тенџере и убаво изматете ги со маталка. Додадете ја изренданата кора од лимон и на крај додадете го и путерот.
– Смесата загрејте ја на умерена температура со постојано мешање. Варете додека не се растопи путерот и смесата не се згусне, 5 до 10 минути.
– Додека е уште врел, кремот процедете го низ густа цедалка со мешање.
– Кремот покријте го со пластична фолија за да додека се лади не се направи на површината коричка.
– Кремот ќе биде спремен за користење откако ќе стои 4 часа во фрижидер.