Може да го направите во било кое време во годината …
Потребно е:
650 гр суви кајсии
700-750 мл врела вода
сок и изрендана кора од 2 лимона
250 гр шеќер
Подготовка:
– Кајсиите ставете ги во еден сад и прелијте ги со врела вода. Оставете ги да стојат 24 часа. За тоа време ќе омекнат кајсиите.
– Следниот ден сипете ги кајсиите заедно со водата во едно тенџере, додадете шеќер и изрендана кора и сок од два лимона.
– Убаво измешајте и ставете го тенџерето на рингла на повисока температура за да проврие. Кога ќе почне да вријат, варете ги 20-30 минути со повремено мешање.
– Смалете ја температурата и варете уште 20-тина минути. За тоа време кајсиите треба да почнат да се распаѓаат во парченца. Ако не се распаѓаат измелете ги со рачен блендер.
– Варете го џемот додека да се згусне.
– Врелиот џем сипете го во врели тегли, затворете ги со измиени и осушени капаци и оставете потполно да се изладат.