Музичката платформа Spotify забележа драстичен пад на песните на поп ѕвездата Тејлор Свифт, а се чини дека тоа не е случајност.
Имено, откако светската ѕвезда ја поддржа Камала Харис во американската претседателска трка, таа загуби дури два милиони слушатели на Spotify.
Анализата ја направи компанијата „Чартметрик“ која вообичаено се занимава со статистика од областа на музиката.
Кога Свифт јавно ја поддржа Камала Харис на 10 септември, 94 милиони уникатни слушатели на Spotify стримуваа барем една од нејзините песни во изминатиот месец.
Нешто повеќе од две недели подоцна, на 27 септември, бројот на уникатни слушатели падна на 92, но сепак тоа е импресивен број на слушања за кои Тејлор Свифт веројатно нема да биде загрижена, пренесува b92.