Меки и домашни, печени перечиња. Нека замириса кујната на печено тесто.
Потребно е:
340 гр брашно, просеано
половина лажиче сол
1 лажица шеќер
2 + 1/2 лажичиња сув квасец
230 мл топла вода
За премачкување:
120 мл топла вода
1 лажичка сода бикарбона
3 лажици растопен путер
морска сол за попрскување на переците
Подготовка:
– Топлата вода ставете ја во сад во кој ќе ги додадете квасецот и шеќерот. Малку промешајте и оставете да се активира квасецот.
– Во друг сад ставете ги брашното и солта, просеани и полека, со мешање, додавајте ја течноста со квасецот. Мешајте додека да добиете меко тесто.
– Месете го тестото додека да биде меко и да не се лепи. Повремено, додавајте брашно ако гледате дека се лепи. Покријте го со крпа и оставете го на топло да го удвои волуменот, околу 40 минути.
– Рерната загрејте ја на 230 целзиусови степени.
– Нараснатото тесто ставете го на набрашнета работна површина и со нож поделете го на 8 парчиња. Од секое парче формирајте перек.
– Наредете ги во тавче за печење обложено со хартија за печење и секој перек намачкајте го со претходно помешаните топла вода и сода бикаробна. Попрскајте ги со морска сол. Покријте ги со крпа и оставете ги да нараснат уште еднаш 10 минути на топло.
– По 10 минути, ставете ги да се печат во загреаната рерна. Печете ги додека да добијат златна боја.
– Печените переци уште додека се топли премачкајте ги со растопен путер.