На сцената на Македонската опера и балет денеска ќе биде изведена детската балетска претстава „Доктор Офболи“.
Во улогата на доктор Офболи ќе настапи Киро Павлов, Варвара ќе ја игра Цветанка Стојановска, Капитан – Игор Веланоски, Ане ќе биде Андријана Јаневска, а во улогата на Ване ќе се појави Марина Георгиевска.
Се работи за детска приказна во која главна улога е доктор Офболи кој се грижи за здравјето на животните со неговите помошници Ане и Ване.
Музиката е на Игор Морозов, кореографијата на Михаил Крапивин од Русија, сценографија на Живојин Трајановиќ и костимите се на Марија Пупучевска.