Во училиште ги опоменуваат децата кои мечтаат за време на часовите. Меѓутоа, најновото истражување покажува дека токму тие деца имаат најдобра работна меморија, која директно е поврзана со интелегенцијата.
Резултатите од истражувањето спроведено на Универзитетот Медисон во Висконсин покажува дека капацитетите на работната меморија на човекот се поврзани со тенденцијата на неговиот мозок да „лута“ за време на вршење на рутинските работи.
Работната меморија е способноста за краткотрајно помнење на информации, како на пример, помнење на бројот на телефонот додека не го најдете телефонот во торба.
Учесниците во истражувањето морале да извршат едноставна задача – да притискаат копче секој пат кога буквата ќе се појавеше на мониторот на компјутерот. За време на тестот повремено се прашувани дали се фокусирани на задачата или мислат на нешто друго.
За да ја измерат работната мемоерија на секој испитаник, научниците барале од нив да ја запомнат низата букви додеека решавале математички проблеми. Резултатите покажуваат дека луѓето со поголема работна меморија изјавиле дека мозокот често им „лутал“ за време на извршувањето на едноставните задачи.
Научниците наведуваат дека за време на извршувањето на задачите кои не се посебно тешки, луѓето кои имаат подобра работна мемоерија „остатокот“ од меморијата ја користат за размислување за други работи.
Работната меморија е поврзана со коефициентот на интелигенцијата. Според научниците, што повеќе ви „лутаат“ мислите тоа сте попаметни.