Вкусна ароматична чорба …
Потребно е:
3 лажици путер
350 гр мелено месо
1 главица кромид
3 чешниња лук
7 поголеми компири
1,5 л говетска супа
2 лажици сув зеленчук за супа
1 чаша грашок
250 мл пасирани домати
50 гр сушени домати
2 лажичиња мелена црвена пиперка
оригано, босилек
бибер
мелен сув зачин
луто пиперче, по желба
Подготовка:
– Сушените домати потопете ги во вода и оставете ги 30-тина минути. Исцедете ги и ситно исецкајте ги.
– На загреан путер пропржете го ситно сецканиот кромид и потоа додадете го и исецканото лукче и пржете 10-тина минути.
– Сега додадете ги и компирите исецкани на коцки и динстајте 10-тина минути со постојано мешање.
– Сипете ја говетската супа и оставете да почене да врие. Кога ќе почне да врие додадете ги пасираните и исушените домати, сувиот зеленчук, грашокот, мелената црвена пиперка, биберот, ориганото и босилекот. Варете ја чорбата на тивко 40-50 минути. По потреба додавајте вода. Додадете и мелен сув зачин по вкус.
– Оваа вкусна чорба послужете ја посипана со ситно сецкано луто пиперче.