Британската монархија смета дека се оправдани трошоците за реновирање на станот во палатата Кенсингтон во Лондон, кој претставува официјална резиденција на принцот Вилијам, неговата сопруга Кејт и синот Џорџ.
Според британски медиуми, војводата и војвотката од Кембриџ потрошиле четири милиони фунти (5 милиони евра) за поправки и опремување на станот.
Портпарол на круната одби да потврди за сумата, но прецизираше дека кралскиот пар сами платиле за купување нов мебел и покуќнина.
При реновирањето биле поправени електричните инсталации, водоводните цевки и поставен бил нов кров. Вилијам и Кејт се сместија во станот 1А во кој порано живеела принцезата Маргарета, сестра на Елизабета Втора.