Американскиот актер и комичар Боб Сагет починал од повреда на главата за која наводно не верувал дека е опасна, соопшти неговото семејство.
Сагет беше пронајден мртов во неговата хотелска соба на 9 јануари во Орландо, Флорида, еден ден по настап на комичарот во близина на Џексонвил.
„Властите заклучија дека Боб починал од повреда на главата“, соопшти неговото семејство.
„Констатирано е дека случајно се удрил во задниот дел од главата, мислел дека не е ништо опасно и отишол да спие“, се вели во соопштението.
Инспекторите претходно негираа дека Сагет умрел од дрога или злосторство и веруваа дека се работи за срцев или мозочен удар.
Погребот на ѕвездата од Фул Хаус се одржа на 14 јануари во Лос Анџелес.