Крцкави кошнички полнети со шумско овошје и фил од крем сирење. Вистинско уживање.
Потребно е:
3-4 готови кори за баклава
50 гр путер
за филот со крем сир:
500 гр крем сирење
150 гр шеќер
1 кесичка ванилин шеќер
изрендана кора од еден лимон
3 јајца
20 гр пудинг во прав од ванила
за овошниот фил:
200 гр микс од шумско овошје (замрзнато)
200 мл вода
20 гр шеќер
20 гр пудинг во прав од ванила
50 гр бело чоколадо
Подготовка:
– Рерната загрејте ја на 160 целзиусови степени. Во тенџерче растопете го путерот.
– Земете еден лист од корите и целиот намачкајте го со растопениот путер. Исечете квадрати со димензии 12×12 см. Земете три квадрати, залепете ги едно над друго и ставете ги во калап за мафини. Лесно притиснете надолу за да може да се филуваат.
– Филот направете го така што со миксер ќе ги изматите крем сирењето, двете врсти шеќер и пудингот. Потоа, едно по едно додавајте од јајцата и матете додека да се соедини филот.
– Со овој фил наполнете ги кошничките рамномерно, но не претерувајте со филувањето.
– Печете во загреаната рерна околу 25 минути.
– За тоа време, во тенџерче ставете 100 мл вода, шумско овошје и шеќер. Почекајте да зоврие. Останатите 100 мл вода разматете ги со пудингот и ставете ги во смесата со овошје. Гответе додека да се згусне филот. Кога филот ќе биде готов, ставете го чоколадото, претходно искршено на парчиња.
– Оладените кошнички филувајте ги со овошниот фил.