За денешниот ручек замесете го овој здрав леб …
Потребно е:
200 гр интегрално грахам брашно
200 гр ‘ржано брашно
150 гр брашно од хељда
1 лажиче сода бикарбона
1 прашок за пециво
500 мл млака вода
1 лажица семки од тиква
1 лажица семки од сончоглед
1 лажица семки од лен
1 лажица семки од сусам
100 мл маслиново масло
1/2 лажиче сол
1/2 лажиче ким
1 лажиче лук во прав
Подготовка:
– Во еден сад соединете ги сите суви состојки и измешајте ги со лажица. Потоа додадете ја водата и маслиновото масло и со миксер, со додатоците за тесто, замесете тесто.
– Во земјана тава за печење со капак ставете хартија за печење.
– Замесеното тесто ставете го на набрашнета маса и повторно премесете го со раце. Тестото префрлете го во тавата и одозгора засечете го со остар нож на неколку места.
– Тавата поклопете ја со капак и ставете ја во ладна рерна. Сега вклучете ја рерната на 250 целзиусови степени и печете 1 час.
– Печениот леб оставете го да се излади поклопен во тавата, а потоа завиткајте го во чиста крпа и ставете го во пластична кеса. На тој начин лебот ќе можете да го чувате подолго време.