Автобус, кој во 1976 година го купил Елвис Присли за потребите на неговата тогашна турнеја, е продаден на аукција во Њујорк за цена од 268.000 долари.
Како што соопшти аукциската куќа „Џулианс Окшанс“, автобусот може да прими 12 патници и е опремен со девет кушет-кревети, телевизор, микробранова печка, клима уред, фрижидер и звучници.
На таванот на автобусот се поставени лустери, а на надворешната страна е изпишано: „Јас се грижам за се“.
Во една прилика во Портланд дури и самиот Елвис го управувал овој автобус, се додава во соопштението на „Џулианс Окшанс“.
Покрај автобусот, на аукцијата се продадени уште над 200 предмети што му припаѓале на „кралот на рокенролот“. Така неговата воена униформа е продадена за 48.000 долари, а плоча со песната „Love me tender“ на чија опаковка Елвис напишал посвета за мајка му, на аукцијата достигна цена од 125.000 долари.