Интересен спој на зачини, им даваат на овие палачинки неверојатен вкус …
Потребно е:
350 гр брашно
6 лажици кафеав шеќер
2 лажичиња цимет во прав
1 лажиче ѓумбир во прав
1 лажиче рендано морско оревче
2 прстофата каранфилчиња
20 гр (4 лажичиња) прашок за пециво
1/2 лажиче сол
320 гр пире од тиква
450 мл млеко
2 јајца
4 лажици растопен путер
за филот:
150 мл грчки јогурт
4 лажици шеќер во прав
50 мл слатка павлака
по желба мед за полевање на палачинките
Подготовка:
– Во еден сад измешајте ги брашното, шеќерот, прашокот за пециво, циметот, ѓумбирот, морското оревче, мелените каранфилчиња и солта.
– Во друг сад измешајте ги пирето од тиква, млекото, јајцата и растопениот путер.
– Во смесата со пире од тиква додадете ја смесата со брашно и полека измешајте за да се соединат сите состојки.
– Подгответе го филот, измешајте го јогуртот со шеќерот во прав и додадете ја слатката павлака. Убаво измешајте со маталка и ставете го во фрижидер со сервирањето.
– Во загреана тава на рингла на средна температура ставете по 1,5 лажица од смесата за секоја палачинка и испечете ги. Превртувајте ги кога ќе биде долната страна печена и оставете и другата срана да се испече.
– Печените палачинки премачкајте ги со филот и по желба прелијте ги со мед.
– Сервирајте ги топли.