Зоран Заев испрати честитка до новиот германски претседател Штајнмаер

Од:

Претседателот на СДСМ, Зоран Заев, испрати честитка до новиот претседател на СР Германија, Франк – Валтер Штајнмаер.

„Ви го честитам изборот за нов претседател на СР Германија во име на граѓаните на Р.Македонија, на Социјалдемократскиот сојуз и во свое лично име.

Ги поздравуваме заложбите што ги искажавте по изборот, за слобода и демократија во една обединета Европа, како важен импулс на охрабрување за земјите кандидатки за ЕУ, како што е Република Македонија.

Германија има важна улога за развојот, стабилноста и безбедноста на целиот балкански регион.
Граѓаните на Македонија силно го почитуваат вашиот личен придонес и придонесот на СР Германија за обнова на демократските процеси во Р.Македонија како и поддршката на евро-атлантските перспективи на нашата држава.

Како добар пријател на Р.Македонија и како претседател на земјата пријател на Македонија, СР Германија, очекувам дека во таа насока ќе ја продолжиме и ќе ја развиваме нашата соработка“.

Би можело да ве интересира

(ВОЗНЕМИРУВАЧКО ВИДЕО) Објавено видео од полицијата како пука во напаѓачот во Германија

Ученик од Косово со нож избоде наставничка во Германија, полицијата го застрела напаѓачот

Горан Наумовски

Четвртина од вработените во Германија сè уште работат од дома

Шест кандидати на AfD починаа пред германските избори

Бројер: Заканата од Русија не се променила, Путин нè гледа нас

ВИДЕО: Полицаец во Берлин тепаше демонстрантка од Ирска, реагираше ирскиот премиер