Зијадин Села: ДПА може да разговара со СДСМ, ама и без неа ќе победи во Струга

Од:

„ДПА и без СДСМ ќе победи во Струга“, рече за А1 пратеникот и кандидат на ДПА за градоначалник на Струга, Зијадин Села.

„Ако СДСМ искаже подготвеност да го почитува принципот кој претходно беше договорен вклучувајки ја во него и Струга, ДПА е подготвена повторно да седне и да разговара со СДСМ“ рече Села за А1.

„Не само на СДСМ туку и на другите партии им порачуваме, дека кога има договор со ДПА мора да се придружуваат кон тој договор. ДПА нема да дозволи она што за Струга се случи во 2009. година кога Али Ахмети имаше договор со Груевски за меѓусебна подршка за Скопје, Центар, Карпош, Куманово,Тетово, Гостивар, а само за Струга немаше. За ДПА секој град каде што живеат Албанци е од голем интерес и сакал некој или не, во Струга живеат 60 % Албанци и тоа ќе се почитува“ рече Села за А1.

„Во врска со техничката соработка со СДСМ ние бевме јасни уште од самиот почеток, дека се работи за принцип, кој беше излезен и од устата на претседателот на СДСМ, Бранко Црвенковски, дека онаму каде мнозинство се албанците СДСМ да го гласа кандидатот на ДПА и обратно каде мнозинство се Македонците , ДПА да го подржи кандидатот на СДСМ. Имаше обиди од страна на СДСМ да се договори дополнително она што веќе беше договорено.Тие мислат дека се работи за ДПА со кого имаа соработка до 1998. година или со ДУИ со која владееја до 2006. година“ додаде Села.

 

 

Би можело да ве интересира

ВМРО-ДПМНЕ реагира на пресот на СДСМ: Лага е дека ќе се вработуваат 3000 лица

Петрушевски: Ако Филипче и СДС не го осудат говорот на омраза на Орданоски кон Трамп и САД тие даваат сигнал дека се согласуваат

Кузеска: Историски најголема партизација, 3000 партиски кадри ќе вработи Изет Меџити

Венко Филипче единствен кандидат за претседател на СДСМ за партиските избори на 16 март

СДСМ: Меџити најавува илјадници партиски вработувања, се спрема масовна партизација пред изборите

СДСМ: Власта со месеци не го основа Инспекторатот за употреба на македонски јазик

Катерина Ѓуровски