Зибери се залага за задолжителни часови по албански јазик од петто одделение

Од:

Кандидатот на ДУИ за премиер Насер Зибери изјави дека негова заложба во првите 100 дена на функцијата ќе биде да работи на подобрување на иднината на младите и на воведување на задолжителни часови по албански јазик во основните училишта, од петтото одделение.

– Мојата заложба во текот на првите 100 дена како премиер Албанец предвидува исто така и подобрување на иднината на нашите млади. Ќе го направиме задолжително предучилишното образование и ќе обезбедиме градинки во секоја општина, рече Зибери при денешната средба со наставничкиот кадар во дворот на училиштето „Хасан Приштина“ во Чаир.

а неговата заложба за воведување на задолжително изучување на албанскиот јазик од 5-то одделение, Зибери рече дека Законот за јазиците е донесен во Собранието и оти сега веќе албанскиот јазик е официјален јазик во земјата.

– Ова е најважното достигнување за нас Албанците, истакна Зибери.

Toj вети и зголемување на платата на наставниците на 600 евра со што, како што рече, ќе се валоризира нивната работа.

Заедно со Зибери, денеска во Чаир беше и носителот на кандидатската листа на ДУИ во Втората изборна единица Арбр Адеми, кој најави инвестиции во образовната инфраструктура, изградба и реновирање на градинките и училиштата во албанските населби.

– Да изградиме еднаква инфраструктура, училишта и модерни градинки, дури и во населбите
што се изоставени во однос на инфраструктурата долги години, рече Адеми.

Би можело да ве интересира

Николоски: ДУИ се враќа на корените, во 2001 година тие стартуваа како зелена партија од планините на Македонија

Катерина Павлова-Николовска

ВИДЕО: ДУИ го прослави својот 19 роденден и најави „Зелена агенда“

Ахмети на четири месеци до изборите предложи кандидат за градоначалник на Липково

Меџити: Груби е послушник на Ахмети и се однесува како ДУИ да е негова, нека се свестат – револтот кај членството е голем

Габриела Димковиќ-Мишевска

Средба меѓу претседателот Пендаровски и народниот правобранител Зибери

Жарко Настоски

Ахмети: Постигнавме многу, но пред нас има уште многу работа

Ана Ололовска