52-годишен жител на охридското село Елшани си оградил дел од земјиште со кое стопанисува Националниот парк „Галичица“, спречувајќи тука да се движат луѓе и попречувајќи го проширувањето на локален пат, соопшти полицијата. Елшанецот доби кривична пријава.
„СВР Охрид поднесе кривична пријава против Р.С.(52) од с.Елшани, охридско, поради постоење основи на сомнение за сторено кривично дело „узурпација на недвижности“. Во текот на 2020 година на неизградено земјиште во сопственост на Република Северна Македонија, доделено на стопанисување на Национален Парк „Галичица“, Охрид, Р.С. дел од парцелата ја оградил и со тоа го попречувал движењето на граѓаните, а оневозможувал и проширување на асфалтираниот пат кој ги спојува нас.„Елешец“ со с.Елшани,“ велат од МВР.