Градоначалникот на општина Центар и лидер на ЛДП, Андреј Жерновски, објави информација, која ја добил од личност која денеска била на партиски состанок на директори на средните и основните училишта од Скопје, кој добиле задача да ги натераат учениците да не одат на маршот.
Еве што напиша Жерновски:
Македонската демократија на дело !!!
До мене дојде информација дека денеска, на празник, директорите на средните и основните училишта од Скопје се повикани на партиски состанок во гимназијата Ј.Б.Тито. Еден од професорите, кој, од разбирливи прочини, побара да не му биде откриен идентитетот, револтирано ми посочи дека е срам тоа што се прави за да се спречи најавениот Студентски марш. Директорите добиле задача, по секоја цена, да ги натераат учениците да не одат на маршот, бидејќи тоа ќе влијаело на нивните оценки. Се одело до таму, во среда, по наредба, да се закажуваат испитувања и тестирања, без никакво оправдувања за НЕПОСЛУШНИТЕ.