Жерновски ќе тужи: Не сакам моите деца да мислат дека татко им е криминалец

Од:

Градоначалникот на општина Центар Андреј Жерновски коментира за нападите врз него од новинар на неделникот „Фокус“. Жерновски тврди дека наводите во текстот не се точни.

„Всушност, ова е прилично едноставна работа: Вие како новинар на „Фокус“ тврдите дека е направена повреда во тендерската постапка (читај: направен е криминал), а јас тврдам дека не е така и дека податоците Ви се целосно погрешни.

Сметам дека е сосема нормално и природно да реагирам и да се одбранам кога ме напаѓате (патем и клеветите), зарем не?

Едноставна е затоа што ќе се видиме на суд и тој ќе процени кој лажел. Она што е нерамноправно е фактот дека јас Ве „напаѓам“ со тоа што кажувам дека не сте во право, а Вие ме напаѓате дека има криминал и дека работам незаконски.

Има разлика, зарем не? Нерамноправно е кога Вие во рацете имате насловна страна, а јас морам да демантирам на Фејсбук и на портали.

Има разлика, зарем не? Затоа, уште еднаш, спремете се за судско рочиште. Вчера Ви објаснивме каде точно Ви е клеветата, а и огромната (се надевам, не и намерна) грешка во текстот и во „анализата”, и тоа ќе Ви помогне да се спремите со дополнителни материјали.

Финансиски средства нема да барам, тоа е карактеристично за една друга група на политичари кои до вчера беа на власт, туку само ќе барам на Суд да се извините јавно, на истиот простор каде што го објавивте Вашиот текст. Ништо повеќе.

Јас имам фамилија, и не сакам моите деца да мислат дека татко им е криминалец. Во тоа име, ќе се борам до крај“, напиша градоначалникот на Општина Центар, Андреј Жерновски.

Би можело да ве интересира

Општина Центар затвори нелегално градилиште на булеварот „Никола Карев“

Заедно со Жерновски уште 14-мина земаат плата за непочнатиот клинички центар

„Шанса за Центар“ предупредува: Повторно со техничка исправка на план ќе се гласаат два ката плус спроти стара Градска болница

Маја Илиевска-Пачемска

Комисија од Центар ги запишува покривите што летаа во невремето и поплавените простории

Дисциплински мерки за несоодветно постапување на полициски службеници со новинарка од Фокус

ЗНM: Европскиот суд за човекови права во Стразбур пресуди во корист на „Фокус“ во случајот против Сашо Мијалков

А1он