Заменик министерот за надворешни работи Андреј Жерновски ја посети денеска германската Амбасада и во име на Министерството за надворешни работи се потпиша во книгата на жалост по повод смртта на поранешниот министер за надворешни работи на Германија, Клаус Кинкел.
-Како германски министер за надворешни работи, Кинкел го поплочи патот на денешна силна Германија, по нејзиното обединување. Веруваше во обединета Европа, која нема да биде само политички и економски сојуз, туку ќе биде систем на вредности кои ќе ги споделуваат денешните и идни генерации. Овие простори ќе го паметат по личната посветеност за создавање траен мир и соживот во регионот, кој ќе биде интегриран во Европската унија. Да ги продолжиме неговите идеали, напиша Жерновски во Книгата на жалоста.