Екипите на кумановскиот Центар за јавно здравје по спроведените анализи утврдија дека водата од селските чешми во селата Горно Коњаре и Табановце има зголемено присуство на нитрати, што според лекарите од јавната здравствена установа е вообичаено за руралните средини, поради користење на ѓубрива за земјоделските површини и остуство на канализациона мрежа. Во останатитите чешми во селата во поширокиот кумановски регион водата од чешмите е бактериолошки исправа за пиење.
Во јули и август, информираат од Центарот за јавно здравје извршени се анализи на земените мостри од локалните водоводи во селата Горно Којнаре, Табановце, Сопот, Костурник, Романовце, Агино село, во Старо Нагоричане и Драгоманце во општина Старо Нагоричане и во Матечје, Виштица, Ропаљце, Виштица и Оразаре во Липково и од двата чепа на чешмата од минералната вода во Проевце.
Водата за пиење од ЈП “Водовод” е исправна за пиење, информираат од Центарот за јавно здравје. Досегашните анализи кои ги спроведуваат Центарот, интерната лабараторија на претпријатието и Институтот за јавно здавје Скопје, покажуваат дека микробиолошкиот и хемискиот квалитет на водата се исправни.
-Освен редовни анализи, согласно законската регулатива, се спроведуваат и дополнителни испитувања, така што не постои можност неисправна вода да протече низ цевководот, објаснува доктор Мимоза Величковски, специјалист по хигиена, од Центарот за јавно здравје.
