Зголемен е водостојот на реката Вардар во однос на вчерашниот ден и во споредба со просекот за мај.
Најновите хидролошки мерења покажуваат дека кај Јегуновце во споредба со вчера нивото на Вардар е зголемено за 46 сантиметри, кај Зајчев Рид за 16 сантиметри и кај Велес за 19 сантиметри.
Над просекот за мај зголемени се и водостоите на Вардар кај Демир Капија, на Пчиња кај Катлановска Бања, а пониски се нивоата на Треска, Крива Река, Брегалница, Црна Река и Сатеска.
Кај езерата нема промени во споредба со вчерашниот ден.