Вкупно 60.775 туристи ја посетиле Македонија во мај годинава, а бројот на ноќевањата изнесувал 142.912 што во однос на истиот месец лани е зголемување од 8,3, односно 10,4 проценти.
Според Државниот завод за статистика, бројот на домашните туристи во мај 2012 во однос на мај 2011 е зголемен за 7,6 отсто, а бројот на странските туристи е зголемен за 8,8 проценти. Бројот на ноќевањата на домашните туристи е зголемен за 6 отсто, а бројот на ноќевањата на странските туристи за 14,1 процент.
Во периодот јануари-мај 2012 во однос на истиот период претходната година, бројот на туристите е зголемен за 5,8 отсто, кај домашните туристи има зголемување за 1,7 проценти, а кај странските 8,6 отсто. Бројот на ноќевањата, пак, е зголемен за 2,9 отсто, кај домашните туристи има намалување од 0,9 проценти, а кај странските е забележано зголемување од 6,2 процента.