Пратеничката Маја Морачанин, советниците во Град Скопје и општината Ѓорче Петров, Христа Најданов и Бојан Петровски од ДОМ, денеска остварија средба со претседателот на Зелената партија на Албанија и советник во градот Елбасан, Индрит Абдиај и секретарот на партијата Ренато Хаџиај.
На средбата беше разговарано за еколошките проблеми со кои се соочуваат Република Македонија и Република Албанија. Потенцирани беа проблемите со отпадот, загадувањето од големите индустриски капацитети и енормното загадување на воздухот.
Албанските зелени ја искажаа својата поддршка на ДОМ и граѓанските организации против отворањето на рудниците за злато и бакар кои се штетни по здравјето на граѓаните и животната средина.
На средбата беше искажана подготвеност за поинтензивна соработка на зелените партии од регионот.