Неоснована е казната затвор, вели поранешниот генерален секретар на Владата Мухамед Зеќири, откако доби 2 и пол години затворска казна за склучување на договор со фирмата Интерхолдинг за консултантски услуги за потенцијална приватизација на А.Д. Пошти и Железници транспорт.
„Преку адвокатскиот тим ќе ја обжалиме пресудата, бидејќи во целиот процес никаде и во ниту еден момент не беше докажана моја умисла во склучувањето на договорите. Јас само сум спровел умисла на други, односно на владата кои беа предложени од вицепремиерот за економски прашања Фатмир Битиќи“, рече Зеќири.
Тој вели дека ако е потребно јавна набавка, тоа е експлицитно наведено, што немало во овој случај, но и дека никој во владата не се спротивставил на одлуката за договор во четири очи.
Ако остане истата одлука, на Зеќири му остануваат уште 11 месеци затвор, бидејќи останатото време до 2 и пол години, веќе го има поминато во притвор и куќен притвор.
