Во недостаток на аргументи и немање конкретни одговори на поставените прашања од страна на наставниците, родителите, учениците и пратениците Мила Царовска го губи тлото под нозете и во паника сѐ почесто се обидува да ја спинува темата. Арогантно и инаетливо ги навредува сите, им го проценува капацитетот и кредибилитетот на пратениците, ги омаловажува родителите, ги критикува наставниците и сето незадоволство од споменати го припишува на влијанието на ВМРО-ДПМНЕ рече на прес конференција пратеникот од ВМРО-ДПМНЕ Игор Здравсковски.
„Ние бараме да оствари тоа што во концепцијата самата го има предвидено, еднаков пристап и еднакви можности за сите во образовниот систем. Тоа со дигитални учебници за оние кои може да си ги дозволат и печатени учебници, еднакви на црно – бели фотокопии едноставно не е можно. Царовка да ги објасни мултимедијалните содржини на фотокoпии, всушност да го објасни принципот на „дрвено железо“. Како во така печатени учебник, кој таа го промовира, ќе се пренесат мултимедијалните содржини од дигиталниот учебник? Откако и стана јасно дека тоа не е можно сега ветува библиотечен фонд во секое училиште од таблети. Ние не и веруваме, затоа што ништо што оваа Влада што го ветила го нема остварено и длабоко сме убедени дека доколку имаше сериозна намера тоа да го стори, таа и досега ќе обезбедеше таблети за најранливите категории“ – вели Здравковски.