Заврши битката за нов студентски лидер, просlедена со многу недоразбирања и обвинувања за партиска поданост и подршка.
Од преброените 90 гласови, убедливо води Кирил Спироски, студент на Правниот факултет .Спироски има убедливо водство со над 4.400 добиени гласа, а зад него се другите двајца против кандидати, Трајче Митрев од Стоматолошкиот факултет, кој од досега преброените гласови има 2.400, и Шевал Нуредин од Економскиот, кој има 900 гласови.
Според информацијата на СПУКМ, на изборите вчера, од 9 до 17 часот, излегле околу 8.500 студенти од Скопскиот универзитет.
СПУКМ најави дека утре на прес-конференција ќе соопшти официјални податоци и детали за изборите за нов претседател на Студентскиот парламент на УКИМ, кој ќе го замени досегашниот – Иван Живковски.
Поголемиот дел од студентите на УKИМ не беа заинтересирани да излезат и да го изберат својот студентски лидер.
Радио МОФ, објави дека Правилникот за спроведување избори е донесен врз основа на непостојни членови од Статутот на УKИМ, што пак беше демантирано.