Управата за јавни приходи затвори 93 фирми кои не го почитувале Законот за готовинските плаќања. Според информациите од УЈП, инспекторите затвориле 32 фирми во Штип, 28 во Скопје, во Битола 25 фирми и осум во Кавадарци.
„Поради сторен прекршок, на сите обврзници кои постапиле спротивно на Законот за регистрирање на готовинските плаќања, изречена им е парична казна која се движи до 3.250 евра во денарска противредност, како и времена мерка за забрана на вршење дејност од 15 дена, односно 30 дена“, извести УЈП.