Во текот на минатата ноќ полициски службеници од СВР Скопје и инспектори од Државниот пазарен инспекторат вршеле контроли во врска со почитување на мерките за заштита од коронавирус.
Како што информира Министерството за внатрешни работи, при контролите констатирано е дека два угостителски објекти, еден во Гази Баба и еден во Аеродром, не се придржувале кон предвиденото работно време согласно Законот за заштита на населението од заразни болести и Одлуката на Владата за мерки за спречување на ширење Kовид-19 и во нив биле затекнати повеќе лица.
– Од страна на Државниот пазарен инспекторат угостителските објекти се испразнети и затворени и ќе бидат поднесени соодветни поднесоци за непочитување на одлуките од Владата на Република Северна Македонија во врска со Ковид-19. Министерството за внатрешни работи, во соработка со Државниот пазарен инспекторат, продолжува со засилените контроли во врска со почитување на мерките за заштита од коронавирус, се наведува во соопштението на МВР.