(ВИДЕО) Затуровска до Заев: Дали ќе градите клинички или вселенски брод со 480 милиони евра?

Од:

Пратеничката на ВМРО-ДПМНЕ, Лилјана Затуровска на денешната седница за пратенички прашања, праша зошто од Буџетот ќе се издвои огромна сума од 480 милиони евра за изградба на новиот клинички центар, што е 4 пати повеќе од сумата што ја предвидела претходната власт.

Побара објаснување и кажа дека постои сомнеж дека овие пари ќе завршат во нечии џебови.

„Здравството ви служи како алатка за неважни цели, преку него само се слеваат пари во нечии џебови. Се сомневам дека ќе понудите услуга како што заслужуваат граѓаните. Дали тоа ќе биде вселенски брод или клинички? Зошто толкава сума кога ВМРО-ДПМНЕ имаше предвидено 120 милиони евра?“, вели Затуровска.

Одговор даде премиерот, Зоран Заев. Тој тврдеше дека ова сума била предвидена со физибилити студија која била изработена и наследена од претходната власт.

„Имавме веќе изработена студија и нема потреба да се тршат пари за нова. Ова е џиновски проект и покрај клинички ќе има и училишта за обука на медицински персонал, студенски домови, истражувачки центри. И сето тоа ќе го градиме на основа на овој документ. Би сакал да ве повикам и вас како опозиција да се вклучите и заеднички да го реализираме овој огромен проект“, одговори Заев.

Габриела Димковиќ-Мишевска

Би можело да ве интересира

Опозициските пратеници ќе им поставуваат прашања на премиерот и на министрите

Собранието одлучи: Се забранува употреба на пиротехника во затворен простор

Горан Наумовски

Пратеници од „Европски фронт“ поднесоа иницијатива за формирање на Анкетна комисија за трагедијата во Кочани

Поддршка од пратениците за законски измени со кои ќе се забрани пиротехника во затворен простор

Зајкова: Да ги заштитиме жените и жртвите на семејно насилство, а не да санираме ненадоместливи штети

Пратениците конечно се враќаат на работа