Пред црквата „Св.Спас“, кај Градските гробишта во Велес, полициски службеници биле нападнати од четири лица, а едното од нив успеал да му го одземе службениот пиштол на 46 годишниот полицаец и пукало кон него, соооштуваат од МВР.
„Полицаецот бил префрлен во здравствена установа во Скопје за укажување на лекарска помош. Три лица се приведени, но сторителот на делото е се уште во бегство“, велат од МВР.
Настанот се случил утринава околу 10 часот.
Полицаецот имал четири прострелни рани во пределот на абдоменот и една прострелна рана во коленото. Д-р Тодор Јаковлевски од велешката болница соопшти дека тој бил свесен и вон животна опасност, но поради сериозноста на повредите е препратен на понатамошно лекување во Хирушките клиники во Скопје.
