Засега нема препорака за целосно укинување на полицискиот час

Од:

Засега немаме стриктна препорака за дополнително скратување на полицискиот час, рече министерот за здравство Венко Филипче, кој не ја исклучи можноста дополнително да се дискутира и за тоа на владината седница.

„Ја пратиме состојбата. Доколку треба, ќе го предложиме тоа до Владата, но засега не“, рече Филипче.

Тој рече дека во контекст на скринингот на населението, од утре ќе почне тестирањето за коронавирусот на вработените во градинките. Станува збор за околу 2.000 вработени во градинките, за кои Филипче очекува дека можат да бидат тестирани за една недела.

„Пред нас е еден мирен период, видливи се резултатите од рестрикциите, така што сите овие мерки кои досега беа на сила ги дадоа овие резултати. Пред нас е период кој може да се изменаџира од страна на здравствениот систем. Има мали варијации во изминатите неколку денови, но сите тие се поврзани со одредени настани“.

Тој рече дека во последниве денови имало зголемување на случаите на Ковид-19 поради поврзани настани – еден кластер е поради погреб кој бил одржан во Тетово, а другите случаи од Скопје биле поврзани со семеен настан кој бил одржан во околината на градот.

Министерот за здравство наброја повеќе причини кои довеле до сегашната состојба на намалувањето на интензитетот на коронавирусот, а и повеќе фактори поради кои може да се очекува дека вирусот е ставенот под контрола.

  1. Силно изразените посткарантински ефекти, кога беше ограничено движењето
  2. Затворењето на границите
  3. Случаите со локална трансмисија
  4. Фактот што белодробните епидемии најчесто траат 8-12 недели, а кај нас е 11та недела
  5. Очекувањата дека високите температури ќе придонесат да се намали преносот

„Може да бидете спокојни дека сите досегашни мерки ги носевме врз основа на стручни медицински анализи кои очигледно дадоа резултат. Уште еднаш апелирам да се почитуваат трите клучни препораки – држење дистанца, носење маска и редовна дезинфекција на раце. Согласно нашите трендови, се очекува стабилизација на ширењето на вирусот, но свесни сме дека целосно исчезнување на вирусот тешко е да се очекува“, рече Филипче.

Би можело да ве интересира

Филипче: Во Буџетот нема пари за зголемување на платите – нема развој, само долгови и камати

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

(ВИДЕО) Филипче: Мицкоски лаже дека СДСМ донела одлука за влез на Алта банка

(ВИДЕО) Надзорна расправа: Со одлука на владата на СДСМ во 2023 бил дозволен влез на Алта банка, вели Мицкоски

(ВИДЕО) Филипче: Кој е Мицкоски да продава банки и кој би купил пропадната банка

ВИДЕО: Дуел на Мицкоски и Филипче на пратенички прашања

Катерина Ѓуровски