Од 1 јануари годинава за адвокатите се воведоа адвокатски маркички за плаќање на персоналниот данок на доход.
Како што соопшти денеска Управата за јавни приходи, адвокатските маркички се резултат на долгогодишните барања на адвокатската заедница за иземање од фискализацијата и воведување на ефикасен систем за следење на финансиското работење на адвокатите и плаќањето на персоналниот данок од нивна страна.
Управата за јавни приходи е во целост подготвена за имплементација на маркичките.
Адвокатите можат да ги подигнат адвокатските маркички во даночните канцеларии на УЈП во: Скопје, Битола, Кратово, Куманово, Охрид, Струмица, Ресен, Штип, Валандово, Прилеп, Гостивар, Велес, Македонски Брод, Кичево, Тетово, Радовиш, Пробиштип, Неготино, Кавадарци, Свети Николе и Дебар.
Обрасците за подигање и евиденција, како и сите други информации во врска со оваа новина се објавени на веб страната на УЈП www.ujp.gov.mk.