Еден ден по истекот на рокот, реакции од граѓаните и во медиумите, почна да се украсува Скопје во пресрет на празниците. Од Градот Скопје за „А1он“ кажаа дека до вчера, централното подрачје треба да е целосно украсено, но до утрово, немаше светилки и елка. По ова, попладнево информираа дека почнато е украсувањето.
„Централното градско подрачје, плоштадот Македонија, улицата Димитрија Чуповски и булеварот Илинден од вчера забрзано се украсуваат со новогодишни украси во пресрет на новогодишните празнувања. Денеска се поставува и новогодишната елка што за новогодишните празници ќе го украси плоштадот „Македонија“. Новогодишното украсување на градот во согласност со најавите и меморандумот се реализира без застој и нема да има никакви финансиски импликации врз буџетот на Град Скопје“, велат од Град Скопје.
Претходно, тие во одговор за „А1он“ посочија дека од 10 до 15 декември, украсувањето ќе биде завршено. Притоа, и натаму нема одговор кога ќе започне предновогодишниот базар на плоштадот „Македонија“, како и од што се состои програмата.