Во хотелот Александар Палас започна средбата помеѓу албанските парламентарни партии каде што ќе се разговара за имплементацијата на програмските определби, a се очекува и да се отвори прашањето за употребата на албанскиот јазик. Од ДУИ најавија дека треба да се види до каде се работите со чувствителните прашања, за да се искоординираат за понатамошните активности.
На средбата присуствуваат Али Ахмети, Теута Арифи, Изет Меџити, Артан Груби од ДУИ, Зијадин Села и Арбен Таравари од Алијансата за Албанците.
Движењето БЕСА најави дека нема да присуствува на средбата со лидерот на ДУИ, Али Ахмети.
Како причина за ваквата одлука го наведоа фактот дека средбата е повикана од луѓе кои што се осомничени од СЈО и кои верно им служеле на ВМРО-ДПМНЕ.
Виктор Јованов